Anonymous do të nxjerrin rrjetin social “AnonPlus”

Pas vendimit të Google për të ndaluar adresën e lajmeve të grupit të hakerave Anonymous, “youranonnews” një javë më parë, piratët e kompiuterave kanë njoftuar se do t’i shpallë luftë rrjetit më të ri social Google +.

Në fakt, ndryshe nga herët e tjera lufta nuk do të zhvillohet përmes sulmeve kibernetike, por në të njëjtin front. Anonymous theksojnë se kanë ndërmend të hapin një rrjet të ri social, të quajtur “AnonPlus”

“Mirësevini në AnonPlus. Kjo do të jetë e ardhmja. Kjo do të jetë e ardhmja jonë. Sot, ne ju ftojmë të shihni këtë rrjet social, të cilën nuk do ta rrefuzoni kurrë më. Kjo, sepse rrejti ynë social nuk do të ketë asnjë censurë apo bllokim. Jeta është siç ti e ndërton. Dhe ne po e ndërtojmë atë”, shkruhet në njoftimin e hakerave Anonymous.

Megjithatë, ende nuk ka asnjë informacion lidhur me faktin se kur do të dalë në qarkullim ky rrjet social i quajtur “AnonPlus”